Мексикада су тасқынынан ондаған адам қаза тапты

Мексикада нөсер жауын алапат тасқынға ұласты. Соңғы мәліметке қарағанда, 130 адам қаза тапқандар мен жоғалғандар санатында. Жалпы алғанда, 5 штаттағы 150 елді мекенді топан су басқан. Қазір іздеу-құтқару және апаттың зардабын жою операциялары жалғасып жатыр. Жауындатып соққан екі тропикалық дауылдан кейбір ауданда лай көшіп, өзендер тасып, талай үй мен жолдарды және автомашиналарды су шайып кетті. Бұған қоса, электр жүйесі мен байланыс желілері де зақымданып, мыңдаған адам жарықсыз қалған.