Алтын бағасы 5 мың долларға жетуі мүмкін

Алтынның бір унциясының құны 4124 долларға жетті. Осылайша бұл металл жыл басынан бері 57 пайызға қымбаттап отыр. «Америка банкі» мен «Сосьете Женералдың» болшамына жүгінсек, 2026 жылға дейін алтынның бағасы 5000 долларға жетеді. Оның нарқының шарықтауына әлемде қалыптасқан геосаяси және экономикалық белгісіздік, пайыздық үстемелердің төмендеу мүмкіндігі және орталық банктердің бұл активті көптеп сатып алуы себеп.