В.Зеленський жұма күні Д.Трамппен кездеседі

Украина басшысы жұма күні Вашингтонда Құрама Штаттар президенті Дональд Трамппен кездеседі. Мұны Владимир Зеленський Киевте Еуропа одағының сыртқы саясат жөніндегі жетекшісі Кайа Калласпен кездесуде хабарлады. Алдағы келіссөздердің негізгі тақырыптары – Украинаның әуе қорғанысын нығайту және оны ұзақ қашықтыққа арналған зымырандармен қамтамасыз ету.

Айта кетсек, бірер күн бұрын Трамп Киевке 2500 шақырымға ұшатын, яғни майдан шебінен Мәскеуге жете алатын «Томагавк» ракеталарын беру мәселесін қарастырып жатқанын ескертті. Кремль өкілінің айтуынша, бұл әрекет Украинадағы жағдайды тіпті ушықтырып жіберуі мүмкін.