АҚШ пен Украина президенттері бүгін Вашингтонда кездеседі

Бүгін Вашингтонда АҚШ пен Украина президенттері кездеседі. Дональд Трамп пен Владимир Зеленский Киевке «Томагавк» зымырандарын беру мәселесін талқылайды. Зеленскийдің мәлімдеуінше, бұл ракетамен Ресейдің негізгі әскери және энергетикалық нысандары мен аса маңызды инфрақұрылымына соққы беріп, Мәскеуді бейбіт келіссөздерге көндіруге болады. Алайда Трамп өткен тәулікте Ресей президенті Владимир Путинмен телефон арқылы сөйлескеннен кейін Вашингтонның Украинаға «Томагавктерді» жіберетініне күмән күшейді. Айта кетсек, бұған дейін Кремль мұндай қарудың Украинаға ұсынылуы АҚШ-Ресей қатынастарын тіпті нашарлатанын ескерткен еді.