Әлемде мұнай бағасы 4%-ға өсті

Бүгін әлем нарығында мұнай бағасы өсті. Сарапшылардың пікірінше, «қара алтын» құнының өсуіне АҚШ-тың ресейлік ірі компанияларға санкция жариялауы себеп.

Бірер сағат бұрын түскен дерекке қарағанда, Brent маркалы шикізаттың бағасы 4,3 пайызға көтеріліп, 65 доллар 30 центке жеткен. Ал америкалық сұрыптың нарқы 61 долларға дейін қымбаттап отыр.

Құрама Штаттар әкімшілігі ескерткендей, егер Мәскеу Украинада атысты тоқтатуға келіспесе, Ресейге қарсы ары қарай да шаралар қолданылады.