Трамптың сөзін бұрмалаған BBC басшылығы жұмыстан кетті

Британияның BBC хабар тарату корпорациясының бас директоры Тим Дейви мен жаңалықтар қызметінің басшысы Дебора Тернесс отставкаға кетіп жатыр. Олардың мұндай шешім қабылдауына «Панорама» бағдарламасында АҚШ президенті Дональд Трамптың 2021 жылы қаңтарда жасаған мәлімдемесінің бұрмаланып берілуі себепші. BBC Құрама Штаттар лидерінің сөзін редакциялап жариялағанын «Телеграф» газеті хабарлады. Сол өзгертілген мәлімдемеде Трамп өз жақтастарын тәртіпсіздікке шақырғандай әсер қалдырған. Дейви де, Тернесс эфирде кейбір қателіктер жіберілгенін мойындады. Бірақ Тернесстің ойынша, BBC-ге тағылған біржақтылық жөніндегі кінә шындыққа мүлде жанаспайды.