Оңтүстік Кореяда емтихан кезінде ұшақтардың ұшуына да тыйым салады

Бүгін Оңтүстік Кореяда түлектер колледждерге жаппай емтихан тапсырып жатыр. Осыған байланысты қор биржалары мен кеңселер жұмыс кестесінен кешігіп ашылды. Сонымен қатар жергілікті билік жастар ағылшын тілінің тыңдау секциясы бойынша сынақтан өтіп жатқанда, ұшақтардың қонуына 30 минут бойы тыйым салған. Жалпы алғанда биыл бұл мемлекетте 554 мыңнан астам абитурент оқуға құжат тапсырған. Жергілікті білім министрлігінің мәліметінше, өткен жылмен салыстырғанда талапкерлер саны 31 мың адамға көбейген.