АҚШ-та Starbucks компаниясының баристалары 40-тан астам қалада шеруге шықты

Келісім болмаса, кофе жоқ! Дәл осындай ұранмен Starbucks компаниясының баристалары Америка Құрама Штаттарының 40-тан астам қаласында шеру өткізіп жатыр. Айтуларынша, бұл демонстрациялар әрі қарай ұлғайып, компания тарихындағы ең үлкен манифестацияға ұласуы мүмкін. Шеруге Сиэтл, Филадельфия, Даллас, Остин, Портланд сияқты қалалардың қызметкерлері де қосылмақ. Кәсіподақтар компаниядан жалақыны көтеріп, оған медициналық көмек пен өзге де жеңілдіктерді қосуды талап етіп отыр. Алайда компания өкілдерінің мәлімдеуінше, компания қызметкерлерге сағатына 19 доллар төлеп, емделу шығындарын өтеп, баристалардың университетте онлайн оқуына жағдай жасап отыр.