Грекия фермерлері шеруге трактормен шықты

Грекияда фермерлер трактормен шеруге шығып, ел астанасы Афины мен Салонники қалалары арасындағы жолдарды бөгеді. Бұдан  автомагистральдарда көлік қатынасы қиындап кеткен.

Ауыл еңбеккерлерінің демонстрацияға шығуына Еуропа одағынан 600 миллион еуро көмек пен өзге де төлемдердің кешігуі себепші.

Айтуларынша, қаржысыз қалған шаруашылықтар күйреуге жақын және де фермерлер проблемалары шешілмесе, наразылық акциясын Рождество мерекесіне дейін жалғастыратынын ескертті.

Грекияның оңшыл-центристік үкіметінің мәлімдеуінше, төлемдер кейбір фермерлердің мемлекеттік қызметкерлермен сыбайласып, жалған құжатпен ақша алу ісі тергеліп жатқандықтан кешігіп жатыр. Ал билік шерушілерге таяу күндері көмек көрсетуге уәде беріп отыр.