Семейлік сәбиге қайырымды жандардан қолдау қажет

10 айлық Богдан Федин сирек кездесетін дертке шалдыққан.

Семейде 10 айлық Богдан Фединге қайырымды жандардың қолдауы қажет. Сәби сирек кездесетін дертке шалдыққан. Баланың бойындағы «Висконт-Олдрич», деп аталатын ауру күн санап асқынып барады.

Еліміздің клиникалары емдеуге шамасы келмейтін дерттен италиялық дәрігерлер айықтырамыз, деп уәде етіпті. Алайда, қаржының жоқтығы қолбайлау болып отыр.

Дерт кішкентай Богданның бойында 4 ай бұрын анықталған. «Висконт-Олдрич» ауруы адам бойындағы иммунитетті жояды. Қазір сондай күйге түскен сәби жасқа толмай жатып, түрлі ауруға шалдыққан.

Қос өкпеден екі рет пневмония ұстап, бронхит асқынған. Енді тыныс органының 50 пайызына өкпе фиброзы тарап, жартылай ғана жұмыс істейді.

Ержан ЖАҚЫП