Соғыс және тыл ардагерлері теміржолда тегін жүреді

Бұл сауапты істі «Самұрық-Қазына турист» әлеуметтік жобаларды дамыту қоры мен «Жолаушылар тасымалы» акционерлік қоғамы бірлесіп ұйымдастырып отыр.

Акция «Жеңіс» деп аталатын республикалық әлеуметтік-қайырымдылық жобаның аясында өткізіледі. Ардагерлер «Жолаушылар тасымалына» қарасты барлық бағыттарда және компанияның ТМД аумағына жүретін пойыздарында ақысыз жүре алады. Ақысыз сапар «Тұлпар-тальго» пойызына да жүреді. Вагондарында мүгедектерге арналған арнайы орындар да қарастырылған. Сапар барысында ардагерлер тегін тамақпен қамтамасыз етіледі. Жол билеттерін рәсімдеу үшін билет кассаларына жеке куәлікпен қоса соғыс және тыл ардагері екенін растайтын құжатты тапсыру керек.

Армангүл ТОҚТАМҰРАТ