Басты Жаңалықтар Жиһадшылар қатарына қосылуға үгіттегендер ұсталды

Жиһадшылар қатарына қосылуға үгіттегендер ұсталды

17.06.2014 09:30

Испания полициясы Мадридте еріктілерді Ирак пен Сириядағы жиһадшылар қатарына қосылуға үгіттеді деген күдікпен 8 адамды тұтқындады.

Тергеу мәліметтеріне сай, олар азаматтарды радикалды «Ирак және Левант ислам мемлекеті» ұйымы құрамына кіруге насихаттап келген екен.

Үгіттеу тобы жетекшісінің Ауғанстанда соғысып, кейін Гуантанамо базасындағы түрмеде отырғаны мәлім болды. Жергілікті ақпарат құралдарының хабарлауынша, тұтқындалғандардың біреуі испан азаматы, енді біреуі аргентиналық және алтауының Марокко азаматтары болуы мүмкін.

Соңғы екі жылда Испанияда адамдарды қақтығыс ошақтарында соғысуға үгіттеп, жаттықтырды деген күдікпен ондаған кісі қамалды.

Арай ТӨЛЕГЕНҚЫЗЫ

Автор

Арай Төлегенқызы

Бөлісу