Сирияның Дума қаласында пациенттерден химиялық уланудың белгілері анықталған жоқ

Сирияның Дума қаласында ауруханаға түскен пациенттерден химиялық уланудың еш белгілері анықталған жоқ. Бұл туралы жергілікті дәрігерлер мәлім етіп отыр.

Олардың айтуынша, химиялық шабуыл жасалды дегеннен кейін қабылдау бөліміне тыныс алуы нашарлаған адамдар түсе бастады. «Алайда, олар жасырынып жүрген жертөлелердегі шаң, түтін мен құмның кесірінен дем ала алмай қалған болуы керек», - дейді медицина қызметкерлері.

Сәуірдің 18-де Сирияға Химиялық қаруға тыйым салу жөніндегі ұйым мамандары барып, тергеу жүргізбек.

Мадина РАХЫМБЕК