Жас қаламгер Нұркен Бектас әлем ертегілерін қазақ тіліне аударды

Семейде жас қаламгер Нұркен Бектастың қазақ тіліндегі ертегілер жинағы жарыққа шықты.

Қаламгер жастайынан тағдырдың тауқыметін тартып арбаға таңылған. Алайда, өмірге деген құштарлығын өз шығармашылығымен дәлелдеп келеді. «Шын талант пен дарынға тұсау жоқ»- деген жігерлі жігіттің тұңғыш кітабы оқырманға жол тартты.

Нұркен Бектас ертегілер жинағын енді қаладағы білім ордалары, балалар үйлері мен балабақшаларға, кітапханаларға сыйға тартпақ. Автордың шығармаларының үздіктері көпшілікке театрландырылған қойылым арқылы таныстырылды.

Ержан ЖАҚЫП