«Ashyq» қосымшасымен шетелдіктердің де мәртебесін анықтауға болады

«Ashyq» қосымшасы арқылы шетелдіктердің де мәртебесін анықтауға болады. Ол үшін тек паспорт нөмірі қажет. Бүгінде  «Ashyq»  жобасын 250-ге тарта кәсіпкерлік нысан мен 400 мыңдай адам пайдаланып жүр. Жоғары оқу орындары мен халыққа қызмет көрсету орталықтары, ірі кәсіпорындар да жобаны қолдауға әзір. «Atameken» кәсіпкерлер палатасының мәліметінше, кез келген қолданушы өзінің мәртебесін тексере алатын функция 2 апта бұрын іске қосылған. Ал ақпараттың қауіпсіздігін мемлекет бақылайды. Кәсіпкерлер талапқа сай жұмыс істемесе 2 аптаға, құқықбұзушылық қайта тіркелген жағдайда 2 айға жобадан шеттетіледі. Қосымшаның мүмкіндіктері халықтың ұсыныс, пікіріне сай жаңарып отырады.

Ақниет Балтанова