Еліміздің оңтүстік өңірлеріндегі суармалы жерлерді сумен қамтамасыз ету бойынша шаралар қабылданады

Қазақстанның оңтүстік өңірлеріндегі суармалы жерлерді сумен қамтамасыз ету бойынша шаралар қабылданады. Бұл туралы бүгін Премьер-министрдің қатысуымен өткен кеңесте айтылды. Биыл судың аз келуіне байланысты Әлихан Смайылов трансшекаралық өзендердің ресурстарын пайдалану бойынша өзара тиімді шешімдер қабылдау үшін Қырғызстанмен және Өзбекстанмен қарқынды келіссөздер жүргізу қажет екенін атап өтті.