Мемлекет басшысы шетелге заңсыз шығарылған қаржыны қайтару жөнінде тапсырма берді

Алдағы екі ай ішінде Қазақстаннан шетелге заңсыз шығарылған қаржыны қайтару жөнінде ұсыныс әзірленсін. Президент Қасым-Жомарт Тоқаев Үкіметке осындай тапсырма берді. Мемлекет басшысы Кеден бекеттеріндегі қордаланған мәселелерді жедел шешу қажеттігін айтып, Үкіметке 10 күн мерзім белгіледі.

Үкіметтің кеңейтілген отырысында Президент қаңтар оқиғасы еліміздің қалыпты өмірін түбегейлі өзгерткенін атап өтті. Жаңа Үкіметтің алдында елдің экономикалық әлеуетін толық қалпына келтіру міндеті тұр. Бұл өте маңызды. Азаматтардың табысын арттыруымыз қажет», - деді Президент. Өткен жылы экономика 4 пайызға өскен. Алайда, инфляция деңгейі межеден асып 8,4 пайызды құраған.