Екібастұз қаласы әкімінің орынбасары 8 жылға сотталды

Екібастұз қаласы әкімінің орынбасары Бауыржан Ахметов 8 жылға сотталды. 37 жастағы мемлекеттік қызметкер былтыр қыркүйек айында тұтқындалған болатын. Онымен бірге Тұрғын үй коммуналдық шаруашылық басшысы және әкімшіліктің бас маманы ұсталды. Оларға аса ірі көлемде пара алды деген айып тағылған еді. Нақты айтқанда мердігер компанияны бопсалап, атқарылған жұмыс актісіне қол қою үшін жүйелі түрде ақша талап етіп отырған. Параның жалпы көлемі 2 млн 300 мың теңге.

Мәдина Нысанбекова, Павлодар облыстық Сотының баспасөз қызметінің бас маманы:

Бірнеше адамның өзара ымыраласуы арқылы сыбайлас жемқорлыққа жол бергенің қаперге ала отырып сот А-ны 8 жыл тар қамаққа қамау, ал, Т мен С ы 7 жыл алты айдан жазаға кесілді. Үшеуі де өмір бойы мемлекеттік қызметте жұмыс істеу құқығынан айрылды.

Болат Аманбаев