Әйелдер кәсіпкерлігіне арналған жеке комитет құрылуы мүмкін

Елде әйелдер кәсіпкерлігіне арналған жеке комитет құрылуы мүмкін. «Атамекен» ұлттық кәсіпкерлер палатасының төралқа төрағасы Райымбек Баталов, бүгін осындай ұсыныс айтты. Өйткені, іскер әйелдердің қатары жыл санап артып келеді. Олардың үлесі ЖІӨ-нің 40 пайызына жетті. Шағын және орта бизнестің 76 пайызын осы қыз-келіншектер басқарып отыр. Дегенмен, мәселе де аз емес. Әсіресе, ауыл әйелдерін қолдау баяу. Несиелер әлі де қол жетімсіз. Гранттарды ұтып алу процесі қиын. Бүгін Астанада әйелдер кәсіпкерлігінің халықаралық конгресі өтті. Онда осы және өзге де маңызды түйткілдер талқыланды. Ауылдағы әйелдердің бастамаларына арналған шаралар кешінін әзірлеу ұсынылды.

Ләззат Рамазанова, ҚР ҰКП Іскер әйелдер кеңесінің төрайымы:

Өнеркәсіп дейміз. Бизнестің дамуы арқылы болады. Инвестиция құю арқылы болады. Бұл біздің алдымызда тұрған үлкен белес десек те болады. Өйткені, орта бизнеске көшу әйел кәсіпкерліктің ең бірінші жақсы технологиялармен бірге, көлемді инвестициялар қажет.