21 қыркүйектен бері Қазақстанға 98 мыңға жуық Ресей азаматы келген

Ресейде ішінара мобилизация жарияланғалы Қазақстанға 98 мыңға жуық көрші ел азаматы келген. Бірақ 21 қыркүйектен бастап олардың 64 мыңы ел аумағынан қайта шығып кетті. Бұл жайында ішкі істер министрі Марат Ахметжанов айтты. Бейрезиденттердің 8 мыңға жуығы жеке сәйкестендіру номерін алған. Ал, өткен 2018-2019 жылдары Қазақстанға үш миллионға жуық Ресей азаматы келген. Министр көші-қон барысы бақылауда екенін жеткізді.

Марат Ахметжанов, ҚР Ішкі істер министрі:
Тоғыз ай ішінде Ресейден Қазақстанға 1 миллион 700 мың Ресей азаматы келді. Сонымен қатар, біздің азаматтар да белсенді түрде кетіп жатқанын айта кету керек. Күн сайын Қазақстанның 40 мың азаматы шетелге шығады. Кері әсерді де қарау керек. Сондықтан бізде барлығы бақылауда.

Сәбит Әлдебай