Қызылорда облысында күріш егу науқаны басталды

Қызылорда облысында күріш егу науқаны басталды. Жалағаш ауданы, Таң ауылында алғашқы дән себілді. Биыл Сыр диқандары 84 мың гектар жерге аймақтың басты дақылын өсіруді жоспарлап отыр.

Жалағаштық шаруалар 37 мың гектардай жерге егін егуді көздесе, соның 20 мыңы күріштік алқап болмақ. Диқандар «Лидер», «Янтарь» және жергілікті ғалымдар ойлап тапқан «Сыр сұлуы» сорттарын өсіруге басымдық берген. Жалпы мамандар биылғы маусымда судан тапшылық болмайды деп болжам жасап отыр. Сондықтан шаруалар өнімді былтырғы межеден асырмақ ниетте.

Сәкен Шағатаев, шаруашылық төрағасы:

1,5 мың гектар жерге Сыр салысын отырғыздық. Биыл сол 75-80 деп жоспарлап отырмыз. 15 гектар бақша дақылдары және мал азығын дайындау жөнінде жоңышқамыз бар.

Әділбек Серікұлы