Петропавлда кәріз жүйесінің 60 пайызы тозған

Петропавлда су құбырлары мен кәріз жүйесінің 60 пайыздан астамы тозған. Ескірген желілер жиі сыр береді. Қаланы сумен қамтып отырған компания есебінен 300 млн теңгеге жуық қаржы бөлінді. Бұған 3 шақырым су желісі және 2 шақырым кәріз құбыры жаңаланып, құдық, өрт гидранттары сынды нысандар күрделі жөнделмек.

Арман Сауытов, коммуналдық компанияның атқарушы директоры:

Ескі көпқабатты үйлердің құбыры жиі жарылады. Өйткені 40-50 жылдан бері күрделі жөндеу көрмеген. Бірінші кезекте ескі ғимараттардың желісін жаңартамыз. Басты мақсат – тозу көрсеткішін төмендету.

Эльмира Кәленова