Солтүстік Қазақстан облысында 5 мыңнан астам маман тапшы

Солтүстік Қазақстан облысында түрлі салада 5 мыңнан астам маман тапшы. Кадр мәселесін шешу мақсатында түстік тұрғындарын Солтүстікке көшіру жұмыстары жалғасуда. Жыл соңына дейін 2700 адамға арналған квотаны игеру жоспарланған. «Қуатты өңірлер ел дамуының драйвері» ұлттық жобасына қатысушыларға жалпы сомасы 2,1 млн теңге көлемінде ұтқырлық сертификаты табысталады. Қызылжар өңіріне жұмыс сапарымен барған депуттаттар қоныс аударушылармен кездесіп, олардың тыныс-тіршілігімен танысты. Халық қалаулылары солтүстік өңірлердегі жұмыс күші тапшылығы мәселесі кезек күттірмей шешілуі екенін атап өтті.

Нұртөре Жүсіп, ҚР Парламенті Сенатының депутаты:

Жұмыс орны, жалақы, баспана мәселесін шешу үшін мемлекеттің деңгейінде қандай шараларды қолға алуымыз керек болады? Арнайы мемлекеттік бағдарлама жасау керек бола ма, осының бәрін зерделеп, үлкен деңгейде барлық салалық министрліктердің өкілдерін, үкімет мүшелерін, қоғамдық институттарының өкілдерін шақырып, осы мәселелерді талқылайтын боламыз.

Эльмира Кәленова