Жамбыл облысындағы жаппай улануға қатысты қылмыстық іс қозғалды

Жамбыл облысындағы жаппай улану дерегі бойынша қылмыстық іс қозғалды. Прокуратура, СЭС мамандары мен арнайы комиссия өкілдері мектептегі оқиға қатысты тергеп-тексеруді бастады.

Бүгінде «Санитариялық ережелерді немесе гигиеналық нормативтерді бұзу» бойынша сотқа дейінгі тексеру жалғасуда. Мектепке азық-түлік тасымалдаған кәсіпкер мен аспаздар тегіс тергеуге алынған.

Еске салайық, екі күн бұрын Байзақ ауданындағы Киікбаев гимназиясында 60 адам асханадағы астан ұшынған. Олардың 35-і аудандық ауруханаға жатқызылды. Қазір Сарыкемер ауылындағы жұқпалы аурулар бөлімінде 33 оқушы мен 2 мұғалім ем алуда. Науқастар мектепте күріш жеп, компот ішкен. Қазір 2 мыңнан астам оқушысы бар гимназиядадағы асхана қызметі уақытша тоқтатылды. Сол күні ол жерден 500-ге жуық бала тамақтанған. Қазір мектепте оқу процесі бұрынғыдай өтіп жатыр. Тек осы оқиғадан кейін 80-ге жуық оқушы сабақтан қалды.

Данияр Әлімқұл