Алматыда жел басылып, жағдай тұрақталды

Алматыда болған дауыл және нөсер салдарынан қаланың қырыққа жуық учаскесіне су жайылды. Мамандардың айтуынша, нөсердің екпіні секундына 24 метрге жеткен. 26 ағаш құлап, бірнеше көлікті басып қалған. Қаладағы №132 мектептің шатырын жел ұшырып әкеткен. Әкімдік өкілдері білім ошағы оқушылардың демалысы аяқталғанша қалпына келтірілетінін айтты. Түнде бірнеше аудан мен көшелерде электр қуаты 25 рет ажырап, қайта қосылды. Шаһардың барлық төтенше жағдайлар қызметі мен коммуналдық кәсіпорындары күшейтілген режимде жұмыс істеді. Қазір Алматыда жағдай тұрақты. Барлық әлеумкеттік нысандар қалыпты режимде жұмыс істеп тұр. Зардап шеккендер жоқ.

Қуан Нұрақын