Астанада жолаушы билет тексерушіге күш көрсетті

Автобустағы тағы бір келеңсіздік қоғамдық көліктегі бейнебақылау камерасына түсіп қалған. Жолаушылар тасымалына жауапты компания, таспаны әлеуметтік желіде жариялап, көлікті бақылау қызметкерлерінің жұмысын құрметтеуге шақырды.

Полиция бұзақыларды анықтады. Жол ақысын төлеуден жалтарып, қоғамдық орында мас күйінде жүрген екі автобус жолаушысын жауапкершілікке тартқан. Ал көлікті бақылау қызметкерлерінен ешқандай арыз түспегенін айтты.

Жалпы жыл басынан бері, қоғамдық көлікте жол жүру ақысын төлеуден жалтарудың 124 мың 56 фактісі анықталды.

Айдана Қуантхан