Бүгін құсбегілер сайысының жартылай финалы болады

Құсбегілер сайысында 3 санат бойынша 18 бүркіт, 12 сұңқар, 12 қаршыға жарысқа түсіп жатыр. Бүгін іріктеу және жартылай финалдық кезеңдер жоспарланған. Сайысты халықаралық деңгейдегі төрешілер құрамы бақылап отыр. Федерация президенті қазылардан әділ төрелік деңгейін қамтамасыз етуді сұрады. 

Бұл құсбегілер сайысына әлемнің 10 елінен келген 42 қатысушы бар. Біздің елдің намысын 9 құсбегі қорғап жатыр. Ал танымал бүркітші қыз Айшолпан құсбегілер сайысына құрметті қонақ ретінде шақырылған. 

Бүгін толық 10 ұпай жинаған қатысушылар ертең өтетін финалдық кезеңге жолдама алады. Финал ертең 10:00-ге жоспарланған.

Дархан Рахымжан