Жастар мұрағат жұмысымен танысты

Жастар көне қолжазбалар мен сирек кітаптармен танысты. Бүгін Елордадағы Ұлттық архивте «Архив және болашақ ұрпақ» республикалық ашық есік күні өтті. Шараға 1200-ден астам оқушы мен студент келді. Олар мұрағат жұмысымен жан-жақты танысып, деректі фильм көріп, интеллектуалды сайыстарға қатысты.

Әбу Баймахан, студент:

Көптеген құжаттармен танысып отырдық. Ол жерде 400-500 жыл сайын сақталып, сол ақпараттың бәрін тазартып отыратынын көріп, біз көптеген ұландар таңғалып отырмыз.

Сонымен қатар, қонақтарға мұрағат құжаттарының қабылдау, оларды цифрландыру және бүлінген құжаттарды қалпына келтіру жұмысы көрсетілді. Ал жобаның негізгі мақсаты – жас буынды ел тарихына қызықтырып, салт-дәстүрін зерттеуге шақыру, - дейді ұйымдастырушылар.

Темірлан Нұрсолтанов