Астанада жас діни көшбасшылардың форумы басталды

Астанада жас діни көшбасшылардың форумы басталды. Жиынның ашылуында сөз сөйлеген Сенат төрағасы, Әлемдік және дәстүрлі діндер көшбасшылары съезі хатшылығының басшысы Мәулен Әшімбаев Мемлекет басшысы Қасым-Жомарт Тоқаевтың форум делегаттарына жолдаған құттықтау хатын оқып берді.

Онда Президент діндер арасындағы диалогқа жас буын өкілдерін жұмылдыру уақыт талабы екенін айта келе, толық адам ұғымының мән-маңызын баяндаған.

Мәулен Әшімбаев, Сенат төрағасы:

Қазақтың ұлы ойшылы Абай «толық адам» туралы айтып кеткен болатын. Бұл тұжырым ағылшын тіліндегі «a person of integrity», яғни парасат-пайымы мен білімі толысқан, бойына рухани құндылықтарды сіңірген адал азамат деген ұғыммен үндес. Сондықтан жастарды толық адам болуға ұмтылып, әлемнің дамуына үлес қосуға шақырамын.

Азамат Бейбітұлы