Мемлекеттік сыйлықты беру жөніндегі комиссияның қорытынды отырысы өтті

Мемлекеттік кеңесші Ерлан Қариннің төрағалымен Абай атындағы әдебиет пен өнер саласындағы мемлекеттік сыйлықты беру жөніндегі комиссияның қорытынды отырысы өтті. Онда әдебиет, кино, театр, музыка, сәулет және бейнелеу өнері бойынша 21 жұмыс қаралды. Екінші кезеңге өткен шығармалардың қоғамда талқылануы жөнінде Мәдениет және ақпарат министрі Аида Балаева баяндама жасады. Комиссия жасырын дауыс беру арқылы үміткерлерді анықтады. Олар Мемлекет басшысының қарауына ұсынылады. Марапаттау рәсімі Республика күні қарсаңында өтеді.

Азамат Бейбітұлы