Қостанай облысында жанармай құю бекетіне қарақшылық шабуыл жасалды

Қостанай облысының Әулиекөл кентінде жанармай құю бекетіне қарақшылық шабуыл жасалды. Бетін шарфпен бүркеген ер адам, операторды пышақпен қорқытып, кассадағы 33 мың теңгені алып кеткен.

Полицияның жедел әрекетінің арқасында күдікті ізі суымай ұсталып, қамауға алынды. Ол 41 жастағы жергілікті тұрғын болып шықты. Қазір сотқа дейінгі тергеу жүріп жатыр. Қылмысы дәлелденсе, күдіктінің мүлкі тәркіленіп, үш жылдан жеті жылға дейін бас бостандығынан айырылуы мүмкін.  

Дәуренбек Әбдібек