Ақтөбеде әкімдік қызметкері сыбайластарымен бірге 672 млн теңге жымқырған

Ақтөбе облысында әкімдік қызметкері сыбайластарымен бірге 672 миллион теңге жымқырған. Мұғалжар аудандық құрылыс бөлімінің басшысы мен аудандық мәслихат депутаттарына үй кезегінде тұрған азаматтарға баспана алу үшін бөлінген ақшаны қалтасына басты деген айып тағылып отыр. Белгілісі – 672 миллион теңге 70 пәтерлі жатақхананы сатып алуға бөлінген. Тергеу барысында шығынның жартысынан көбін олар өз еркімен кері қайтарды. 

Қостанай облысында аудандық мәслихаттың депутаты лауазымды тұлғаға пара берген. Ол мемлекеттік сатып алу шарттарын бұзған, өзімен үлестес фирманы жауапкершіліктен құтқару мақсатында осындай әрекетке барған. Сол үшін ішкі мемлекеттік аудит комитетінің қызметкеріне 2 млн теңге пара беріпті.

Дәуренбек Әбдібек