Қайрат Сатыбалдының мемлекетке қайтарған 783 млрд теңгесі қайда жұмсалып жатыр?

Қайрат Сатыбалдының мемлекетке қайтарған 783 млрд теңгесі қайда жұмсалып жатыр? Бұл сұраққа Сыбайлас жемқорлыққа қарсы іс-қимыл агенттігі төрағасының бірінші орынбасары Ұлан Сарқұлов жауап берді. Оның сөзінше, Сатыбалдының ғана емес, өзге де жемқорлардан қайтарылған ақша әлеуметтік жобаларға жұмсалған.

Мәселен, Ұлытау облысының Қаражал қаласында мектеп құрылысына ақша бөлінді. Ал Ақмола облысының Зеренді қаласында дене шынықтыру-сауықтыру кешені салынып жатыр. Сондай-ақ Түркістан облысында өнер мектебі бой көтерді. Ал Ақтауда жедел жәрдем ғимаратының құрылысы басталған.

Айя Мүтәлі