Қостанай облысында буынға операция жасау дамып келеді

Қостанай облысында буын ауыстыру бойынша жылына 800-ден аса операция жасалады. Өңірде медицинаның эндопротездеу саласы дамып келеді. Соның арқасында науқастар ем іздеп өзге өңірлерге немесе шетелге сабылмайды. Соңғы 3-4 жылда Қостанай қалалық ауруханасының дәрігерлері де күрделі операция жасауды игере бастады. Былтыр имплант салу алғаш рет Лисаков шағын шаһарында жүзеге асты. Сондай-ақ Рудный қаласында өткен жылы эндопротездеу бойынша 182 операция жасалды. Оның 97-cі тізе, 85-і жамбас буынына орнатылды.

Дәуренбек Әбдібек