Қостанай облысында 100-ге жуық адам қар құрсауынан құтқарылды

Қостанай облысында ауа райының нашарлауынан жолда қалған жүзге жуық адам құтқарылды. Амангелді ауданындағы Амантоғай ауылынан 22 шақырым жерде төтенше жағдай қызметкерлері 98 адамды, оның ішінде 18 баланы қауіпсіз жерге жеткізді. Қарға батқан 8 жеңіл автомобиль жолдың тазартылған учаскесіне сүйреп шығарылды. Ал Сарыкөл ауданында Соналы ауылынан 5 шақырым жерде екі адам мінген жеңіл автокөлік жолда қалған. Оларға да құтқарушылар көмек көрсетті. Жолда қалғандар ішінде медициналық көмекке жүгінгендер жоқ.

Дәуренбек Әбдібек