GCIP-Kazakhstan: 1 мамырға дейін өтінімдерді қабылдайды

GCIP-Kazakhstan стартаптарды қолдау бағдарламасы өтінімдерді 1 мамырға дейін қабылдайды. Қатысушылар жасыл экономиканы дамытуға бағытталған жобаларын ұсына алады.

Тың идея авторлары халықаралық сарапшылардың білім беру бағдарламаларына, менторлық қолдауға және UNIDO GCIP Global Forum сынды жаһандық алаңдарда өз жобаларын таныстыру мүмкіндігіне ие болады. Сала мамандары бас қосып, экологиялық бағыттағы стартаптарды талқылады. Маңыздылығына тоқталды.

Ерлан Нысанбаев, ҚР Экология және табиғи ресурстар министрі:

Тұрмыстық қалдықтарды өңдеу мәселелері бойынша стартап иелерімен біраз әңгіменің басын құрадық. Бұл жерде біз көріп тұрған екі проблема ол бірінші, қаржыландыру мәселесі. Екінші осы стартаптардың басын қосып, IT технологияларды арнайы жасаған Астана-Hub сияқты сондай орталық құру мәселесін көтеріп жатыр.

Сәкен Қалқаманов, «Халықаралық жасыл технологиялар және инвестициялық жобалар орталығы» КЕАҚ Басқарма төрағасының міндетін атқарушы:

GCIP-бағдарламасы 2023 жылдан басталған. Біздің орталығымыз 10 ұйыммен, БҰҰ-мен іске асырып отыр. 12 проект финалға шығып, 3 млн теңгеге ие болды. Ол проектілер экология саласындағы күрделі проблемаларды шешуге дайын.

 Самал Қабышева