Бүгін - Ұлттық кітап күні: Депутаттар қандай кітап оқып жүр?

Иә кітап оқудың пайдасы ұшан -теңіз. Ал, сіз қандай кітап оқып жүрсіз? Дәл осы сауалды Парламенттегі депутаттарға қойған едік, жауабын бірге тындайық.

Ерболат Саурықов, ҚР Парламенті Мәжілісінің депутаты:

Кэмеронның «Аштық жайлаған өлке» және Қазақстан жайлы жазған 20-30 жылдардағы Қазақстандағы Голощекиннің қырғыны.

Үнзила Шапақ, ҚР Парламенті Мәжілісінің депутаты:

Соңғы кезде жасымның ерекшелігіне байланысты ма биографиялық кітаптарды оқуды жақсы көре бастадым. Менің әдетім бар, кез келген адамның туған күніне кітап сыйлау. Кеше ғана екі әріптесімнің туған күні болды. Снежана Вальеревнаның туған күніне «Көшпенділердің» ағылшын тіліндегі нұсқасын апарып бердім.

Жигули Дайрабаев, ҚР Парламенті Мәжілісінің депутаты:

«Ғұндардың құлы» кітабын жақында ғана оқып біттім. Сондықтан көптеген азаматтарға тарихи кітаптарды оқуға ұсыныс етер едім. 

Самал Қабышева