О.Бектенов Shell компаниясының өкілдерімен кездесті

Премьер-министр Олжас Бектенов Shell компаниясының барлау және өндіру бөлімшесінің президенті Питер Костелломен кездесті. Тараптар мұнай-газ жобаларын іске асыру мен екіжақты ынтымақтастықтың келешегін талқылады. Кездесуге Shell-дің Қазақстандағы төрағасы Әли әл-Жанаби мен Намибиядағы барлау жөніндегі вице-президент Сюзанн Куган қатысты. Жиын барысында Қарашығанақ кен орнында жылдық қуаты 4 млрд текшеметр болатын газ өңдеу зауытының құрылысы және Қашаған кен орнын игеру жұмыстары қаралып, онда қуаты жылына 2,5 млрд текшеметрлік газ өңдеу зауытын салу жоспары пысықталды. Өз кезегінде Премьер-министр Қазақстан Үкіметінің одан әрі ынтымақтастықты жалғастыруға дайын екенін жеткізді.

Серік Жұмабек