Еуразиялық даму банкінің Қазақстандағы инвестициялық портфелі өсті

Еуразиялық даму банкінің Қазақстандағы инвестициялық портфелі 7,2 млрд долларға жетті. Бұл туралы Премьер-министр Олжас Бектеновтың төрағалығымен өткен банк кеңесінің отырысында айтылды. Барлығы 116 жоба бойынша келісім жасалған. Оның 43-і қазір жүзеге асырылып жатыр. Өткен жылы Еуразиялық даму банкінің жалпы инвестициялық портфелі 16,5 млрд долларға жеткен. Биыл да бірінші жартыжылдықтың қорытындысы бойынша жоспар орындалды. Жаңа қол қою көлемі 2 млрд доллардан асты. Отырыс соңында бірқатар шешім қабылданды. Кеңес мүшелерінің ұсынысы бойынша Олжас Бектенов Еуразиялық даму банкі Кеңесінің төрағасы болып сайланды.

Оңғар Алпысбайұлы