Астанада мектеп директоры мен есепші 900 млн теңгеден астам ақша жымқырған

Елордадағы №81 Astana English School халықаралық мектебінің бұрынғы директоры мен бас есепшісі 900 млн теңгеден астам ақша жымқырған деген күдікпен ұсталды. Мұны Қаржы мониторинг агенттігі хабарлады. Қомақты қаржы балаларды дайындық сыныптарына және жазғы лагерьге жіберу үшін ата-аналардан жиналған. Дегенмен қаражат мекеме шоттарына түспей, қолды болған. Күдіктілер қылмыстық жолмен қол жеткізген ақшаға құны 382 млн теңге болатын коттедж, Астанадан екі пәтер және автокөлік сатып алған. Тағы 16 млн теңгені жалған қызметкерлер атына аударған. Агенттіктің мәліметінше, сот санкциясымен күдіктілердің мүлкі бұғатталып, қамауға алынды.

Нұрсұлтан Тілектес