О.Бектенов: Ауылдарға су тарту жұмыстары созылып кетті

Ауылдарға таза су жеткізу жобалары созылып кетті. Бүгін Олжас Бектенов жауапты министрлерді осылай деп сынға алды. Мәселен Ақмола және Солтүстік Қазақстан облыстарындағы екі ірі жобаның аяқталу мерзімі бірнеше жылға кешіктіріліп жатыр. Оларға Ұлттық қордан 5,8 млрд теңге қарастырылған. Биыл арнаулы қордан қосымша 5,5 млрд теңге бөлінді. Су ресурстары және ирригация министрі келесі жылы өңірдегі ауылдарға таза су жеткізеледі деп сөз берді. Ал Өнеркәсіп және құрылыс министрі Ерлан Нағыспаев республика бойынша қалалар 99,3 ал ауылдық елдімекендер 97,5 пайыз сумен қамтылды деді. 10 өңірде ауыз суға қатысты мәселе 100 пайызға шешілген. 

Оңғар Алпысбайұлы