Павлодарда велосипед қоршауға соғылып, бір адам қайтыс болды

Павлодарда төрт дөңгелекті велосипед қоршауға соғылып, бір адам қайтыс болды. Оқиға 7-шілдеге қараған түні орталық жағалауда болған. Велосипедке анасын және үш баласын мінгізіп алған әйел, жол арқылы төменге түсіп келе жатып, рөлге ие бола алмай қалған. Салдарынан зейнеткер көз жұмып, оның қызы мен немерелері ауруханаға жеткізілді, - деп хабарлады облыстық Полиция департаментінің баспасөз қызметі. Велосипед жалға алынған. Қазір полиция кісі өліміне соқтырған жазатайым оқиға бойынша тексеру жұмыстарын жүргізіп жатыр.

Оңғар Алпысбайұлы