Елімізде құжаты жоқ мал етін сатуға тыйым салынады

Ветеринарлық құжаты жоқ мал етін сатқандар қылмыстық жауапкершілікке тартылуы мүмкін. Бұл туралы бүгін Үкімет отырысына қатысқан Ауыл шаруашылығы министрі Айдарбек Сапаров айтты. Сондай-ақ министр ветеринарияны одан әрі трансформациялау, тауарлар қозғалысының қауіпсіздігі мен қадағалануы бойынша заңнаманы жақсарту, жүкке ветеринарлық-санитарлық бақылауды күшейтуді, төрт түлікті тіркеу тәртібін жеңілдету көзделіп отырғанын жеткізді.

Айдарбек Сапаров, ҚР Ауыл шаруашылығы министрі:

Мал туды ма, бұзау туды ма 7 күннен кейін сырғасын ілу керек. Ол үшін бізде бүгінде автоматтандырылған база жұмыс істеп тұр. Бірақ кейбіреуі соны керек қылмайды. Қазір үй-үйді аралап, түсіндірме жұмыстарын жүргізіп жатырмыз. Малына сырға тақпағандарға бірде-бір айыппұл салынбаған. Енді айыппұл салып, тіпті оны екі есеге көтереміз.

Нұрсұлтан Тілектес