Белгияда мыңдаған көлік экспортқа шыға алмай портта қалған

Бельгиядағы Антверпен-Брюгге порты үлкен көлік тұрағына айналған. Мұнда мыңдаған жеңіл көлік, фургон, жүк көлігі мен трактор АҚШ-қа экспортталмай тұр. Бұған Дональд Трамптың Еуроодаққа енгізген 25 пайыздық баж салығы себепші. Биылдың бірінші жартысында АҚШ-қа көлік тасымалдау былтырға қарағанда 15,9 пайызға азайған. Трамп Ақ үйге келмес бұрын еуропалық экспорттаушылар 2,5 пайыз көлемінде кедендік салық төлейтін еді. Алайда сәуірден бастап оларға қосымша 25 пайыз тариф енгізілді. Трамптың тарифтерінен бөлек көлік экспортының төмендеуіне геосаяси мәселелер және жаһандық сұраныстың азаюы да әсер етті.

Арай Төлегенқызы