Грузияда семсерлесуден Әлем біріншілігі басталды

Бүгін Грузияда семсерлесуден Әлем біріншілігі басталды. Жарысқа 111 елдің мыңнан астам спортшысы қатысуға ниет білдірген. Олар байрақты бәсекеде қылыш, найза, сапы жаттығулары бойынша өзара кіл мықтыны анықтайды. Қазақстан атынан 24 спортшы ел намысын қорғайды. Олардың арасында Олимпиада қатысушылары: Руслан Кұрбанов, Эльмир Әлімжанов, Вадим Шарлаимов, Ерлік Сертай, Әйгерім Сарыбай бар. Тбилисидегі Әлем чемпионаты 30 шілдеге дейін жалғасады. Бүгін іріктеу сайыстары өтіп жатыр. Айта кетейік, 2023 жылы Миланда өткен әлем біріншілігінде Руслан Құрбанов жекелей сында қола медаль жеңіп алған еді. Бұл Қазақстан тарихындағы алғашқы жүлде. 

Асылбек Данияр