Ұлыбританияда құны 38 млрд фунт стерлинг болатын АЭС салу мақұлданды

Ұлыбритания үкіметі құны 38 миллиард фунт стерлинг болатын атом электр станциясын салуға түпкілікті келісімін берді. «Сайзуэлл» АЭС-і Англияның шығысындағы Саффолк графтығында бой көтермек. Нысан британиялық және халықаралық инвесторлардың құйған қаржысына салынады. Келісімге сай, 44,9 пайыз үлеспен Британия үкіметі жобаның ең ірі акционері болмақ. Осы Атом электр станциясын салуға 10 мың жұмыс орны ашылмақ. Бұған қоса, АЭС 6 млн үйді қамтамасыз етуге жетерлік электр қуатын өндірмек. «Сайзуэлл» АЭС-ін салу шешімі Еуропада атом энергетикасы қайта жаңғыра бастағанын көрсетеді.

Арай Төлегенқызы