Ұлыбританияда дәрігерлер 5 күндік ереуілге шықты

Англияда осылайша жас дәрігерлер 5 күндік ереуіл жариялады. Олар үкіметтен еңбекақы мөлшерін ұлғайтуды талап етіп отыр. Соңғы рет тәжірибесі аз медицина қызметкерлеріне жалақы 5,4 пайызға өсірілген еді. Алайда Британияның медицина қауымдастығы ақ халаттылар үшін бұл жеткілісіз деп мәлімдеді. Англиядағы медициналық персоналдың жартысына жуығы жас дәрігерлер. Сайлауда жеңіске жеткеннен кейін лейбористер оларға жалақыны 22 пайызға өсіруге уәде берген. Алайда қаржылық қиындықтарға байланысты әзірге ол мүмкін болмай тұр.

Арай Төлегенқызы