Таиланд пен Камбоджа атысты тоқтатуға келісті

Малайзияда өткен келіссөзде Таиланд пен Камбоджа үкімет басшылары атысты тоқтатуға келісті. Шартсыз бітім бүгін түннен бастап күшіне енбек. Жиын Малайзия премьер-министрі Анвар Ибрагимнің резиденциясында өткен. Тараптар бейбітшілікке қол жеткізуге бағытталған шарттарын ұсынды. АҚШ пен Қытай өкілдері келіссөзде бақылаушы ретінде қатысқан. Таиланд пен Камбоджа 6 күн атысты. Тараптар қақтығысты алғаш боп бастады деп бірін-бірі айыптаған. Атыстан 35 адам қаза тапты. Екі жақтан 260 мыңнан астам адам үйлерін тастап кетуге мәжбүр болған.

Арай Төлегенқызы