Президент Қорғаныс министрін қабылдады

Мемлекет басшысы Қорғаныс министрін қабылдады. Дәурен Қосанов Президентке алғашқы жарты жылдықта атқарған жұмыстары жайлы, атап айтқанда, армияның жауынгерлік дайындығы, көктемгі әскер қатарына шақыру науқанының нәтижелері, әскери қызметшілерді әлеуметтік тұрғыдан қамсыздандыру шаралары жөнінде мәлімет берді. Сондай-ақ әскердің ұтқырлық деңгейін арттыру, әуе шабуылына қарсы қорғанысты күшейту, әскери инфрақұрылымды дамыту жұмыстары жөнінде баяндады. Қасым-Жомарт Тоқаев Қарулы күштердің әлеуетін одан әрі арттыру жөнінде бірқатар міндет жүктеп, қызметтің қауіпсіздігін қамтамасыз етудің маңыздылығына тоқталды.

Оңғар Алпысбайұлы