Алтын бағасы 4000 доллардан асты

Әлем нарығында алтын бағасы 4 мың доллардан асты. Бұған дүниежүзілік экономикалық және геосаяси жағдайдың белгісіздігі, АҚШ орталық банкінің пайыздық мөлшерлемені түсіруі себеп болған. Сарапшылардың пайымы осы. Айта кетсек, жыл басынан бері алтынның құны 52 пайызға артқан. Бұған доллардың әлсіреуі, инвесторлардың сенімді активтерге ұмтылысы және орталық банктердің алтынды көбірек сатып алуы сияқты түрлі факторлар себеп болды.